NAGPAABOT ng taos-pusong pasasalamat ang pamahalaang lokal ng Las Pinas kay Lingig Surigao del Sur Mayor Elmer Evangelio at sa mga miyembro ng kanyang administrasyon hinggil sa paggawa ng lungsod bilang halimbawa ng pinakamahuhusay na gawi na ipinapatupad para sa isang progresibong lungsod.
Si Mayor Evangelio at mga kasamang department head na bumisita sa Las Piñas ay labis na namangha sa pag-aasikaso sa kanila ng mag-inang City Mayor Imelda Aguilar at Vice-Mayor April Aguilar.
Sa isinagawang ‘benchmarking’ sa The Excelsior Hotel noong Biyernes, Setyembre 23, ay ipinakita ng lokal na pamahalaan ang apat na Ks ( Kalusugan, Kalinisan, Kaayusan at Kaalaman ) program ng lungsod na nagdudulot ng mas magandang serbisyo sa kanilang constituents.
Para sa kalusugan, ipinatupad ng pamahalaang lungsod ang green card program na ipinamamahagi sa mga residente ng lungsod upang makatulong sa kanilang pagpapaospital, magsagawa ng ‘chikiting bakunation’ at libreng operasyon ng katarata.
Sa programang Kalusugan ay kinilala ng Department of Health (DOH) ang Las Piñas dahil sa mahusay nitong pagganap sa paglampas sa 96 porsiyentong target kung saan umabot sa 106 porsiyento ang bilang ng mga nabakunahang bata.
Sa ilalim ng Kalinisan program, ipinatutupad ng Las Piñas ang clean and green program at mga tamang pagtatapon ng solid waste management upang mapanatili ang kalinisan ng lungsod.
Nakalap din ng nasabing lungsod ang Safe City Award noong August 9 batay sa mahusay na pagganap ng pulisya ukol sa pinakamaliit na bilang ng krimen.
Ipinagmalaki din ni Mayor Aguilar na ang pulisya ng lungsod ay nakapagtala rin ng pinakamataas na bilang ng mga naarestong suspek dahil sa mga nagawang ibat-ibang krimen.
Sinabi niya na ang “pinakamalaking” kadahilanan kung paano ginawa ng lokal napuwersa ng pulisya ang lungsod na isang “mas ligtas” na lugar na tirahan sa NCR ay ang police visibility at ang pagsasagawa ng checkpoint sa pakikipag-ugnayan sa ibat-ibang barangay sa lungsod.
Idinagdag pa ni Mayor Aguilar na ang Safe City Award ay nasa ilalim ng Kaayusan program na ipinatutupad ng pamahalaang lungsod sa tulong ng lokal na pulisya.
Sa ilalim naman ng programang Kaalaman ay itinuturo ang pagsasaka o pagtatanim sa lungsod upang itaguyod ang napapanatiling kabuhayan at isang mahalagang mapagkukunan ng masusustansiyang pagkain ng mga residente.
Si Evangelio at ang kanyang koponan ay namangha sa pagtatanghal at pagpapakita ng matagumpay na pagpapatupad na ginagawa ng Las Pinas na isang progresibo at ligtas na matitirahan.
Dumalo rin sa benchmarking ang iba pang opisyal ng lokal na pamahalaan sa pangunguna ni City Administrator Reynaldo Balagulan, Public Information Office (PIO) chief Paul San Miguel at iba pang department head.(JOJO SADIWA)
The post MAYOR NG LINGIG, SURIGAO DEL SUR, NAMANGHA SA K’S PROGRAM NG LAS PIÑAS appeared first on Police Files! Tonite.
Source: Police Files Tonite
Walang komento: