Seniors mula Davao, Baguio City unang bisita opening ng Manila Zoo

MULA sa Davao City at Baguio City ang unang dalawang bisita kahapon sa unang araw ng pagbubukas ng bagong Manila Zoo.

Ayon kay Manila Mayor Honey Lacuna,sa ginanap na Balitaan sa Harbor View sa Maynila, lumuwas sa Maynila ang lalaki at ang Manila Zoo ang kanyang unang pinuntahan.

Habang ang matandang lalaki mula sa Baguio City ay lumuwas kasama ang kanyang apo para ipasyal ang bata sa Manila Zoo.

“Mayroon pa din taga Bulacan na dumayo pa sa Maynila para makapasyal sa Manila Zoo,”ani Lacuna.

Kasabay nito,sinabi ni Lacuna na naibigay na nila ang lahat ng diskuwento sa senior citizen, non-Manilans at Person with Disability.

“Napakababa na nun kasi sa iba P600,P500 e baka kung napakababa ay ma COA naman kami,ayon yun sa batas,”ayon kay Lacuna.

Sinabi ni Lacuna na sulit naman ang bayad kapag nakapasok sa Manila Zoo dahil sa mga bagong attractions na makikita sa loob ng zoo. (ANDI GARCIA)

The post Seniors mula Davao, Baguio City unang bisita opening ng Manila Zoo appeared first on Police Files! Tonite.

Source: Police Files Tonite