Mayor Along nagbigay ng tulong sa mga naapektuhan ng Bagyong Egay

Personal na binisita ni Caloocan City Mayor Dale Gonzalo “Along” Malapitan, kasama ang coordinated efforts ng City Health Department (CHD) at City Social Welfare and Development Department (CSWDD), sa mga residente ng Brgy. 180, 183, at 185 na naapektuhan kamakailan ng Bagyong Egay para magbigay ng maiinit na pagkain at tulong medikal noong Hulyo 30, Linggo.

Patuloy na tiniyak ng Alkalde sa mga evacuees na itutuloy ng pamahalaang lungsod ang pagbibigay ng kumpletong tulong hanggang sa matiyak ng mga opisyal ng lungsod na ligtas nang maibalik ang nasabing mga evacuees sa kani-kanilang mga tahanan.

“Tiniyak po natin na mayroong pagkain, sapat na atensyong medikal at maayos na matutugunan ang ating mga kababayan sa gitna ng pagbabaha at tuloy-tuloy na pag-ulan sa kanilang lugar. Sisiguruhin natin na komportable sila sa evacuation center hanggang makabalik sila sa kani-kanilang lugar. kanilang tahanan,” sabi ni Mayor Along.

Gayundin, pinangunahan din ng local chief executive ang pag-inspeksyon sa mga flood-prone areas sa lungsod kabilang ang Doña Aurora sa Brgy. 177, Phase 6 sa Brgy. 178, at Crispulo St. at Quirino Highway sa Brgy. 180.

Inatasan ni Mayor Along ang City Engineering Department na magsagawa ng mga proyektong magpapababa ng baha sa nasabing mga lugar at nanawagan sa kanyang mga nasasakupan na agad na ipaalam sa pamahalaang lungsod ang mga emergency na sitwasyon sa pamamagitan ng Alert and Monitoring Emergency Hotline ng lungsod.

“Nagbigay na po ako ng direktiba sa ating City Engineering Department na magsagawa ng mga dredging operation at magkaroon ng mga proyekto upang maibsan ang pagbaha sa mga lugar sa ating lungsod,” pahayag ni Mayor Along.

“Nananatiling naka-alerto ang pamahalaang lungsod sa anumang ulat kaugnay ng panahon. Sakaling magkaroon ng sitwasyon ng mga posibleng aksyon sa lugar, tumawag kaagad sa 888-25664 (ALONG),” dagdag pa ni Malapitan.(BR)

The post Mayor Along nagbigay ng tulong sa mga naapektuhan ng Bagyong Egay appeared first on Police Files! Tonite.

Source: Police Files Tonite