TINIYAK ni House Speaker Ferdinand Martin Romualdez na minamadali na ngayon ng Kamara de Representantes ang pagpapasa ng mga batas upang makalikha ng mas marami pang negosyo upang makapagbigay ng mas maraming hanapbuhay sa mga Pinoy.
“Pinapabilisan ko na ang pagpasa ng mga batas para sa mas madaling pagbubukas ng mga negosyo dito sa atin sa pamamagitan ng pag-aalis ng mga “lagayan” at sangkaterbang requirements o “red tape”,” ayon kay Romualdez sa isang pulong.
Aminado rin si Romualdez na, “Dito nahihirapan at nate-turn off ang mga negosyante at mga mamumuhunan sa bansa.”
Ayon pa sa lider ng Kongreso, kung marami ang nagbubukasang negosyo ay tiyak na mangangailangan ito ng maraming tao, at mas maraming mamamayan ang magkakaroon ng hanapbuhay.
Samantala, pinasalamatan din ng mambabatas mula Leyte ang mga negosyante dahil sa pagiging matatag nila noong kasagsagan ng panahon ng pandemya ng COVID-19.
“Our businessmen help our economy stay afloat during the onslaught of COVID-19 when everyone else is down and out”, ani Romualdez.
The post Romualdez: Pagpasa ng mga batas para mas maraming malikhang trabaho at negosyo, minamadali ng Kamara appeared first on Police Files! Tonite.
Source: Police Files Tonite
Walang komento: