Beybi tumilapon sa tricycle, lasog

NASAWI ang 2-buwan gulang na sanggol nang tumilapon mula sa traysikel habang karga ng kanyang ina sa Cebu.
Kinilala ang babaeng sanggol na si Amia Nelly Tumarong Victor ng Barangay Patao, Bantayan.
Sa report ng Bantayan Police Station, 9:00 ng umaga noong Biyernes nang maganap ang insidente sa provincial highway sa Barangay Bantigue ng nasabing bayan.
Ayon sa ulat, minamaneho ng ama ng sanggol na si Charlie Asistido Victor, 32, ang tricycle habang kalung-kalong naman ng ina na si Jovy, 25, ang kanilang baby nang bigla silang sumalpok sa boom truck ng engineering office ng lokal na pamahalaan ng Bantayan na nagkakabit ng mga ilaw sa kalsada.
Sa lakas ng pagkakabangga, nabitawan ng ina ang sanggol dahilan para tumilapon ito sa kalsada at tumama ang ulo sa semento.
Kaagad namang dinala sa Bantayan District Hospital ang sanggol pero idineklarang patay na.

The post Beybi tumilapon sa tricycle, lasog appeared first on Police Files! Tonite.

Source: Police Files Tonite