ARESTADO ang tatlong drug suspects nang makuhanan ng halos P.9 milyong halaga ng shabu sa buy-bust operation sa Navotas City nitong Linggo ng madaling araw.
Kinilala ang mga naaresto na sina Rodolfo Legaspi, 39, ng B. Cruz St., Barangay Tangos; Glen Mark Lacson, 33, ng Leongson St., Brgy. San Roque; at Sandy Garcia, 41, ng M. Domingo St., Brgy. Tangos North.
Sa ulat, 4:30 ng madaling araw nang magsagawa ng operasyon ang mga operatiba ng Navotas Police Station Drug Enforcement Unit (SDEU) sa C-4 Road., Brgy. BBN, kungsaan nabilhan si Legaspi ng P500 halaga ng shabu ni Cpl Jeric Delos Reyes na nagpanggap na buyer.
Nakuha pa sa mga suspek ang nasa 130 gramo ng shabu na nagkakahalaga ng P884,000.00 at buy bust money.
Samantala, arestado rin ang dalawang drug suspects kabilang ang isang Chinese national nang makuhanan ang mga ito ng shabu na nasa mahigit P.1 million sa anti-drug operation sa Pasay City nitong Sabado ng umaga.
Nakakulong ngayon sa Pasay City Police detention facility ang mga nadakip na sina Wang Fei “alias Wang”, 30, POGO employee, pansamantalang nakatira sa R-8 Fontana Apartment, Clark City, Pampanga; at Dexter Abao “alias Dexter”, 43, driver, nakatira sa Saint Louie Compound, Brgy. San Valley, Parañaque City.
Sa report na natanggap ng Southern Police District (SPD), 4:50 ng umaga nang maaresto ang mga suspek sa Shell Residence Tower C/D, Brgy. 76, Pasay City.
Nakumpiska mula sa mga suspek ang 16 na gramo ng shabu na nagkakahalaga ng P108,800.00; 5 plastic canister na naglalaman ng spiral plastic tube at isang kulay violet na Toyota Innova na may plakang CAV 1162. (Gaynor Bonilla)
The post P.9m shabu huli sa Navotas; P.1m sa Pasay appeared first on Police Files! Tonite.
Source: Police Files Tonite
Walang komento: