NASAGIP ng mga awtoridad ang dalawang babaeng biktima ng human trafficking, at naaresto ang tatlong babae at isang Amerikano sa operasyon sa Angeles City, Pampanga.
Kinilala ang mga nasagip na sa pangalang Jane, 18 anyos; at KZ, 19, kapwa taga- Bagong Silang, Barangay Balibago, Angeles City.
At ang mga nadakip sy kinilalang sina Easton Scot Sanderson, 34, American citizen at nanunuluyang sa JO3 Kandi Towers, Flora St., Brgy. Malabanias, Angeles City; Reneilyn Robles, 22, ng Lawang Bato, Valenzuela City; Jann Arielle Mondejar, 23, ng Brgy. Malitlit, Sta. Rosa City, Laguna; at Shirley Martinez, 22, ng Brgy. Sta Rita, Calbayog.
Ayon kay PNP Chief, Gen Debold Sinas, 11:00 ng gabi nang salakayin ng mga elemento ng PNP Anti-Cybercrime Group (PNP ACG) ang isang unit ng JO3 Kandi Tower sa Flora St.
Sa ulat, sinabi ng mga biktima na ni-recruit sila ni Mondejar bilang mga modelo at babayaran sila ng P15,000 bawat isa.
Nang makaharap na anila si Sanderson, pinuwersa silang makipagtalik dito habang sina Robles at Martines ang kumukuha ng mga video para i-upload sa pronographic site.
Nakikipag-ugnayan na ang PNP ACG sa FBI agent sa Manila upang matukoy kung sa anong porn site in-upload ng mga suspek ang mga kuhang sex video na maaring magamit upang mapalakas ang kaso laban sa mga ito.
Sasampahan ang mga suspek ng paglabag sa RA 10360 (Anti-Human Trafficking Act) in relation to Section 6 ng RA 10175 ( Cybercrime Prevention Act of 2012). (Mark Obleada)
The post 2 babaeng biktima ng human trafficking nasagip, 4 arestado sa Pampanga appeared first on Police Files! Tonite.
Source: Police Files Tonite
Walang komento: