BINARIL-PATAY ang dalawang magsasaka sa harap ng kanilang mga asawa sa magkahiwalay na lugar nitong Lunes.
Sa Barangay Sinabaan, Bantay, Ilocos Sur, 4:30 ng hapon habang nakatambay sa kanyang tricycle si Bernardo Nuñez, 52, katabi ang kanyang misis nang sumulpot sa kanyang harapan ang isang motorsiklo sakay ang dalawang lalaki at walang kaabog-abog na pinagbabaril ito.
Nadala pa sa ospital si Nuñez pero idineklarang dead on arrival.
Sa report, may problema sa lupa ang biktima.
Sa Sitio Kitub, Barangay Bao, Alamada, North Cotabato, binaril-patay din ang isang Jimboy Undalay Flores, 28, ng Purok 6, Barangay Puting Bato.
Sa ulat, 11:20 ng umaga minamaneho ng biktima ang kanyang motorsiklo at angkas ang misis nitong si Norhana nang panandalian silang huminto sa harap ng isang panaderya sa Barangay Public Market nang lapitan ito ng isang lalaki at pinutukan.
Personal na alitan ang nakikitang motibo sa krimen.
The post 2 magsasaka itinumba sa harap ng kanilang mga misis appeared first on Police Files! Tonite.
Source: Police Files Tonite
Walang komento: