ISINAILALIM na ng National Bureau of Investigation (NBI) sa autopsy at DNA test ang bangkay ni Mary Anne Daynolo, isang Pinay OFW na natagpuang naaagnas na sa Abu Dhabi.
Ayon sa ina ng biktima na si Merilita Madrigalejo, Enero 19 nang makatanggap siya ng tawag mula sa embahada ng United Arab Emirates at sinabing natagpuan na nila ang kanyang anak na nawawala simula pa Marso 2020 ngunit ito’y patay na.
Humingi ng tulong ang pamilya sa NBI upang isailalim sa autopsy at DNA test ang bangkay ng OFW dahil halos puro buto na lamang ang bangkay at halos hindi na ito makilala.
Sa ngayon, hinihintay na lamang ng pamilya Daynolo ang resulta ng autopsy at DNA test bago maiuwi ang bangkay. (Jocelyn Domenden)
The post Bangkay ng Pinay na naaagnas na sa Abu Dhabi, sinisiyasat na ng NBI appeared first on Police Files! Tonite.
Source: Police Files Tonite
Walang komento: