NASAWI ang isang barangay kagawad nang pagbabarilin ng riding-in-tandem sa national highway sa Barangay Napo, Magsingal Ilocos Sur, Sabado ng umaga.
Kinilala ang biktima na si Arnel Tubon, 45, may asawa, residente ng naturang lugar.
Sa ulat, nagmamaneho ang biktima ng kanyang tricycle nang sundan at pagbabarilin sa likod ng dalawang salarin na magkaangkas sa motorsiklo.
Sa ngayon, wala pang ideya ang pulisya kung ano ang motibo sa krimen at kung sino ang mga bumanat sa biktima.
Samantala, isa pang lalaki ang pinagbabaril ng riding-in-tandem sa national highway sa Brgy. Sinabaan, Bantay, Ilocos Sur.
Kinilala ang biktima na si Rudy Pascua, 32, ng Brgy. Ora West ng naturang bayan.
Sa report, nagmamaneho rin ng tricycle ang biktima nang pagbabarilin.
The post Brgy. Kagawad, 1 pa itinumba sa kalsada appeared first on Police Files! Tonite.
Source: Police Files Tonite
Walang komento: