DRIVER PINATAY SA LOOB NG MINAMANEHONG VAN

CAMP VICENTE LIM – Isang lalaking driver ng van ang nadiskubreng walang buhay sa driver seat ng sasakyan sa bahagi ng Barangay Llavac sa boundary ng bayan ng Siniloan at Real, Quezon nitong Martes ng umaga.

Sa inisyal na ulat ng Real Quezon PNP, kinilala ang biktima na si Darwin Escareces alias “Mofats”, 38 anyos, residente ng Bgy. Poblacion 61, Real.

Base sa talaan ng pulisya, si Escareces ay kabilang sa ‘Drugs Watchlist’ sa lugar.

Nadiskubre ng mga residente ang bangkay ni Escareces 7:30 ng umaga sa loob ng Hi-Ace van na nakarapada sa gilid ng national highway.

Ang biktima ay nagtamo ng dalawang tama ng bala ng kalibre 9mm at kalibre .45 na pistola sa kanyang ulo.

Ito ang unang biktima ng pamamaslang sa Laguna sa buwan ng Pebrero. Noong Enero ay naitala ang 22 biktima ng pamamaslang at salvaging.

Patuloy pang nagsasagawa ng imbestigasyon ang pulisya. (DICK GARAY)

The post DRIVER PINATAY SA LOOB NG MINAMANEHONG VAN appeared first on Police Files! Tonite.

Source: Police Files Tonite