DINUKOT ng mga armadong grupo ang isang kawani ng Cotabato Electric Cooperative (Cotelco) sa probinsya ng Cotabato.
Kinilala ang biktima na si Kier De Vera Selibio, lineman, Solar Installer at Photo Voltaic Mainstreaming technician ng Cotelco at residente ng Barangay Katidtuan, Kabacan, Cotabato.
Ayon sa ulat, may inaayos na solar panels ang biktima sa Barangay Napalico, Arakan nang dukutin ito ng mga armadong grupo.
Hanggang ngayon ay hindi pa nakakabalik ang biktima sa sub-office ng Cotelco sa bayan ng Arakan.
Marami ang naniniwala na mga miyembro ng New Peoples Army (NPA) ang dumukot sa biktima.
Sa ngayon, patuloy na sinusuyod ng Arakan PNP katuwang ang militar ang Barangay Napalico para mailigtas ang biktima.
The post Kawani ng Cotelco dinukot ng armadong grupo appeared first on Police Files! Tonite.
Source: Police Files Tonite
Walang komento: