Vice mayor, 1 pa patay sa pamamaril sa Zambo

Patay sa pamamaril ang Bise Alkalde ng Mabuhay, Zamboanga Sibugay at isa pang kasama nito.
Kinilala ang nasawi na sina Vice Mayor Restituto Calonge ng Mabuhay, Zamboanga Sibugay; at Engr. Edgar Pampanga.
Sugatan din si Abduhari Gapor na sinabing kasama ng mga nasawi.
At ang mga salarin kinilalang sina Erhammuddin “Er-Er” Manguda at Jomar Gallardo Taiting.
Sa ulat, 3:00 ng hapon nang maganap ang insidente ng pamamaril habang nakaupo si Calonge sa ilalim ng puno ng manga sa harap ng munisipyo.
Narekober din ang ilang basyo ng bala mula sa kalibre .45 na baril sa pinangyarihan ng krimen.
Kasalukuyang pinaghahanap na ang mga salarin na nakatakas lulan ng motorsiklo.

The post Vice mayor, 1 pa patay sa pamamaril sa Zambo appeared first on Police Files! Tonite.

Source: Police Files Tonite