NASAWI ang isang pulis at 2 ang sugatan nang tambangan ang mga ito sa national highway, bahagi ng Purok 15-B, Barangay Polonuling, Tupi South Cotabato nitong Bi-yernes ng umaga.
Kinilala ang nasawi na si PSSG Reynante Espero, at aang mga sugatan ay sila PSSG Jorex B. Velasco at PSSG Rey Jerome Silvederio na pawang naka-assign sa holding unit ng PNP dahil sa mga kinakaharap na kasong administratibo.
Ayon sa hepe ng Tupi PNP na si Colonel Jun Rey Gatera, bandang 6:00 ng umaga nanggaling ang mga pulis sa lungsod ng Koronadal at papunta sa Regional Command ng PNP sa General Santos City sakay ng kotseng Toyota Vios nang paulanan sila ng bala ng M16 armalite rifles mula sa mga sakay ng SUV na Toyota Fortuner.
Kaagad nasawi si Espero sa pamamaril, habang nasa ligtas na kondisyon na ang dalawang sugatan niyang mga kasama-han.
Nakuha sa crime scene ang 35 basyo ng bala ng M16 rifles.
Patuloy pang nagsasagawa ng imbestigasyon ang pulisya sa krimen.
The post 3 PULIS INAMBUS: 1 PATAY, 2 SUGATAN appeared first on Police Files! Tonite.
Source: Police Files Tonite
Walang komento: