4 patay sa buy-bust sa Nueva Ecija

Dalawang magkahiwalay na buy-bust operation ang ikinasa ng pulisya sa bayan ng Talavera, Nueva Ecija na nagresulta sa pagkamatay ng 4 na suspek.
Unang bumulagta sa madilim na bahagi ng Barangay Gulod si alys Ronnie, residente ng Cabanatuan City at dumadayo pa sa ibang bayan sa Nueva Ecija para magtulak ng droga.
Narekober sa bangkay niya ang 23 pakete ng shabu at ang dala niyang kalibre .45 na baril.
Kabilang si Ronnie sa drugs watchlist ng Nueva Ecijia Police Provincial Office at dati na rin siyang nakulong sa kasong may kinalaman sa droga.
Inaalam pa naman ang pagkakakilanlan ng lalaking kasama ni Ronnie na tumakas nang mangyari ang engkuwentro.
Sa Barangay La Torre, tatlo pang suspek ang napatay nang manlaban umano sa mga pulis.
Kinilala silang sina Danilo Botones na nasa drugs watchlist, at ang magpinsan na sina Roland Maniquiz at Leo Angeles. Mga dayo rin sila mula General Tinio ang tatlo.
Isang kalibre .45 at dalawang kalibre .38 na mga baril ang nakuha sa kanila na ginamit umano nila sa pagpapaputok sa mga pulis. Narekober din ang isang pakete ng hinihinalang shabu na nabili ng poseur buyer sa target ng operasyon.(Tony Arcenal)

The post 4 patay sa buy-bust sa Nueva Ecija appeared first on Police Files! Tonite.

Source: Police Files Tonite