ARESTADO ang apat na “tulak” sa buy-bust operation at nakumpiska ang may P1.3 milyong halaga ng shabu sa Quezon City, Linggo ng gabi.
Sa ulat kay Quezon City Police District (QCPD) Director, Brigadier General Danilo P. Macerin, ni Talipapa Police Station (PS 3) chief LtCol. Christine Tabdi, kinilala ang mga nadakip na sina Cresilda Leones, 45, ng1336 Gana Compound, Brgy. Unang Sigaw, QC; Benjie Davao, 44, ng 26-L Bustamante St., Brgy. 86, Caloocan; Enrique Lozada, 48, ng 149 De Vera St., San Gabriel, Santa Maria, Bulacan; at Alfredo Sevilla, 50 , ng 165 Gen. Mascardo Brgy. Bagong Barrio, Caloocan
Ayon kay Tabdi, 8:00 ng gabi nang isagawa ang drug operation sa Dimaano Compound, Barangay Balon Bato.
Nasamsam mula sa mga naaresto ang 200 gramo ng shabu na may street value na P1,360,000, digital weighing scale, cellular phone, Yamaha Mio Soul at buy-bust money. (Boy Celario)
The post 4 tulak tiklo sa P1.3m shabu sa buy-bust appeared first on Police Files! Tonite.
Source: Police Files Tonite
Walang komento: