Patay ang isang lalaki habang sugatan ang angkas nito nang mabangga ng dumptruck sa Davao-Bukidnon National Highway, Datu Abing De Lara Street, Calinan District, Miyerkules ng hapon.
Kinilala ang nasawi na si Alberto Balano Jr, 38; at sugatan ang angkas nitong si Melejie Hermoso.
Ayon sa report, mMagkasintahan ang dalawang biktima na ikakasal na sana sa Abril 7.
Sa ulat, magkasunod ang motorsiklo at ang trak sa Davao-Bukidnon National Highway sa Datu Abing De Lara Street. Nang tumigil ang motorsiklo sa may intersection dahil may isang sasakyang dumaan sa harap nito, hindi nakapreno ang truck kaya bumangga ito sa motorsiklo.
Mabilis ang takbo ng truck at sa lakas ng impact, tumilapon sa kalsada ang driver ng motorsiklo at nadaganan ng gulong ng trak.
Agad na isinugod si Balano sa ospital pero idineklarang dead-on-arrival, habang malubhang nasugatan si Hermoso.
Nasa kustodiya na ngayon ng pulisya ang driver ng truck na mahaharap sa reckless driving resulting to homicide.
The post Magkasintahan nadisgrasya bago ikasal: Groom pisak sa trak appeared first on Police Files! Tonite.
Source: Police Files Tonite
Walang komento: