Magsasaka tinodas ng riding in tandem

ISABELA – Patay ang isang magsasaka nang pagbabarilin ng riding in tandem criminals sa Barangay Minanga, San Mariano dito sa lalawigan.
Nakilala ang biktima na si Edwin Dancel alyas “Bobot”, magsasaka at residente ng Sevillana, Benito Soliven.
Ang biktima ay sakay ng kanyang motorsiklo galing sa Barangay Alibadabad at papauwi na nang pagbabarilin ng riding tandem.
Mapalad namang ‘di tinamaan ng bala ang kasama ng biktima na may bitbit na manok.
Nagtamo ng tama ng bala ng baril sa ulo ang biktima.
Narekober sa crime scene ang dalawang basyo ng bala ng baril.
Nagsasagawa pa ng imbestigasyon ang pulisya.
(Rey Velasco)

The post Magsasaka tinodas ng riding in tandem appeared first on Police Files! Tonite.

Source: Police Files Tonite