PATAY ang backrider habang kritikal ang nagmamaneho ng motor siklo nang kapwa lumipad sa ere ang mga ito nang mag-crash ang sinasakyang motorsiklo dahil sa sobrang bilis ng patakbo sa kahabaan ng Tagaytay Cabangaan Road, Barangay Calaboso, Tagaytay City, Cavite.
Kinilala ang nasawing backrider na si Joevani Jocson, 36 anyos, ng Purok 53, Bgy. Iruhin East, Tagaytay City.
Habang kritikal hanggang sa kasalukuyan, hindi pa nagkakamalay sa pagamutan ang driver ng motorsiklo na si Ronelo Malones, 34, ng Purok 52 Brgy/ Iruhin East.
Sa ulat, 1:30 ng hapon nang maganap ang insidente habang binabagtas ng mga biktima ang nasabing hi-way.
Ayon sa report, sobrang bilis ng pagpapatakbo ni Malones nang mag-crash ang motorsiklo. (Irine Gascon)
The post Motor crash: Angkas patay, driver kritikal appeared first on Police Files! Tonite.
Source: Police Files Tonite
Walang komento: