NASA P800,000 halaga ng shabu ang nasabat nang sinubukang ipuslit ito sa loob ng Davao City Jail, Miyerkoles ng hapon.
Ayon sa ulat, isang babaeng bisita ang sumubok na ipuslit ang naturang kontrabando sa loob ng buong karneng manok para sa isang preso sa bilangguan.
Ininspeksyon ang dala ng bisita dahil napansing malaki ang dala nitong manok. Dito ay nakita ang pake-paketeng shabu na isiniksik sa loob ng buong karneng manok.
Nasa kustodiya na ng Talomo police ang suspek.
Ayon sa BJMP XI, patuloy ang paghihigpit nila para masigurong walang kontrabando ang makakalusot sa City jail.
Dahil sa COVID-19 pandemic, hindi pa pinapayagang makapasok ang mga bisita para sa mga preso kaya pinapaabot lang ang mga ibinibigay sa kanilang mga pagkain.
The post P.8 million shabu palaman ng manok huli sa Davao City Jail appeared first on Police Files! Tonite.
Source: Police Files Tonite
Walang komento: