SINAMANGPALAD ang apat na tao nang maaksidente ang isang trak na may kargang mais sa Barangay Apelo, Sara, Iloilo Biyernes ng madaling araw.
Nasawi sa aksidente ang driver ng trak na si Henry Diyan Jr., 35 anyos; pahinanteng si Rey Sinoy, 25; Romualdo Norsan, 30; at Jaime Ciudad na kapwa natutulog sa isang dryer facility.
Ayon sa imbestigasyon ng Sara Police, mabilis ang takbo ng trak at nawalan ng kontrol ang driver dahil narin sa bigat ng kargang mga mais. Bumaliktad ang trak at nagpaikot-ikot pa bago bumangga sa dryer facility sa nasabing lugar.
Natagalan pa bago ma-rescue sina Norsan at Ciudad na nabagsakan ng trak at natabunan ng mais.
Agad silang dinala sa pagamutan pero ideneklarang dead on arrival.
The post Trak puno ng mais bumaliktad: 4 nasawi appeared first on Police Files! Tonite.
Source: Police Files Tonite
Walang komento: