Pulis dinukot sa Bulacan

Dinukot ng apat na armadong kalalakihan ang isang pulis sa Sitio Padling Brgy. Matictic sa bayan ng Norzagaray, Bulacan nitong Biyernes ng umaga.
Kinilala ng dinukot na pulis na si P/Cpl. Nikkol John Santos, na nakatalaga sa Pandi Municipal Police Station.
Sa report, libangan na ni Santos ang pag-aalaga ng panabong na manok at kabilang umano ito sa listahan ng mga High Value Target (HVT).
Ayon sa ulat, lulan ng dalawang motorsiklo si Santos kasama ang dalawang kaibigan patungo sa Farm ng biktima nang biglang umanong harangin ng isang kulay gintong Starex van sa Norzagaray, Bulacan.
Tinutukan ng baril ang mga biktima at inutusang dumapa at pinasosan ang mga ito.
Sa kwento ng mga kaibigan ni Santos, kinaladkad ng mga armadong suspek si Cpl. Santos sa loob ng nasabing van at tumakas habang ang dalawa niyang kasama naiwang nakaposas.
Kaugnay nagsasagawa na ng malalimang imbestigasyon upang matukoy kung sino ang nasa likod ng naturang pagdukot sa pulis.(Thony D. Arcenal)

The post Pulis dinukot sa Bulacan appeared first on Police Files! Tonite.

Source: Police Files Tonite