Van sumemplang sa bangin: 1 patay, 8 sugatan

NAUWI sa trahedya ang masayang pamamasyal ng magpamilya nang mahulog sa bangin ang sinasakyan nilang van sa Barangay Kablon, Tupi, South Cotabato.
Binawian ng buhay ang 5-anyos na bata habang nagtamo ng bali, sugat at pasa ang walong iba pa.
Ito ang kinumpirma ni Municipal Disaster Risk Reduction and Management Officer (MDRRMO) Emil Sumagaysay.
Ayon kay Sumagaysay, pauwi na ang mga biktima sa siyudad ng Heneral Santos galing sa isang tourist distination sa bayan ng Tupi at pagsapit sa nasabing lugar ay hindi umano kumagat ang brake ng van, sanhi ng pagkahulog at pagulong-gulong sa malalim na bangin.

The post Van sumemplang sa bangin: 1 patay, 8 sugatan appeared first on Police Files! Tonite.

Source: Police Files Tonite