ARESTADO ang isang municipal administrator at 11 pa sa paglabag sa quarantine at pagsusugal sa Barangay Andarayan south, Solana, Cagayan noong Biyernes.
Kinilala ang mga naaresto na sina Narciso Taquiqui, 82 anyos, municipal administrator; Guillermo Baccay, 72, retiradong pulis; Estela Marie Balinoyos, 25; Elena Soriano, 52, kapwa public school teachers; Pablo Addun Jr., 52, barangay kagawad sa lugar; at pito pang indibiduwal.
Ayon kay Major Joefersson Gannaban ng Cagayan Police Office, 2:00 ng hapon nang mangyari ang pagsalakay sa compound ni Taquiqui.
Unang nahuli sina Taquiqui at Baccay.
Nasamsam sa lugar ang limang sets ng baraha, 3 lamesa at isang dosenang upuan na pawang gamit sa ni-raid na pasugalan ng opisyal.
Isinagawa ang pagsalakay sa teritoryo ni Taquiqui nang makatanggap ng reklamo sa mga residente dahil sa matinding banta ng kalusugan.(Rey Velasco)
The post 2 titser, municipal administrator, retiradong pulis, at bgy. kagawad huli sa sugal appeared first on Police Files! Tonite.
Source: Police Files Tonite
Walang komento: