ARESTADO ang tatlong kasapi ng Sparu Unit ng New People’s Army (NPA) sa intelligence driven operation ng mga pulis at sundalo sa barangay Pinamarbuhan, Mobo, Masbate nitong Sabado.
Kinilala ang mga naaresto na sina Larry Macadat Masamoc alyas Ka Arnel, 38 anyos; Alex Cos Jr. alyas Ka Dennis, 47; at Ariel Labao Cos, 42, pawang kasapi ng Larangan 2, KP4 ng NPA-Masbate at residente ng Brgy.Tugawe.
Sa ulat, 7:30 ng umaga nang magkasamang nagsagawa ng operasyon sa lugar ang mga kasapi ng 96 Military Intelligence Company, 2nd Infantry Batallion ng Philippine Army, Police Regional Intelligence Unit, Regional Intelligence Division 5, 1st Provincial Mobile Force Company, Masbate City Police at Mobo Police nang masalubong nila ang tatlo.
Hindi na nanlaban pa ang mga suspek nang arestuhin. Nakuha sa tatlo ang isang kalibre .45 baril, mga bala, isang granada, at mga subersibong dokumento.
The post 3 miembro ng Sparu Unit ng NPA timbog sa Masbate appeared first on Police Files! Tonite.
Source: Police Files Tonite
Walang komento: