NADAKIP ng mga operatiba ng Quezon City Police District (QCPD) ang apat na drug pushers na nakunan ng P340,000 halaga ng shabu sa buy bust operation.
Sa ulat kay QCPD Director, Brigadier General Danilo P Macerin, nadakip ang apat ng mga tauhan ng Station Drug Enforcement Unit (SDEU) ng Novaliches Police Station (PS 4) na pinamumumuan ni LtCol. Richard Ian Ang nitong Lunes, April 5, sa Caloocan City..
Kinilala ang mga naaresto na sina Sherwin Soria, 41 anyos; Jennifer Regis, 39, kapwa residente ng 68 North Diversion Road, Brgy. 151, Bagong Barrio, Caloocan City; Isabel De Guzman, 29, ng 216-B Pajo St., Project 2, Quezon City; at Eugene Del Rosario, 38, ng 46 Bernard Alley, Brgy. 151, Caloocan City.
Sa report, 5:00 ng hapon nang madakip ang apat sa North Diversion Road, Brgy. 151.
Nakuha sa apat ang 50 gramo ng shabu na nagkakahalaga ng P340,000, P40,000 buy-bust money at cellphone.(Ernie Dela Cruz)
The post 4 katao huli sa P340K shabu appeared first on Police Files! Tonite.
Source: Police Files Tonite
Walang komento: