ISANG concerned citizen ang nagsumbong sa mga opisyal ng barangay na nakita niyang ibinibitin ng isang ginang ang isang bata sa puno ng kawayan malapit sa sementeryo sa Barangay San Fernando, Victoria, Tarlac nitong Huwebes Santo.
Agad rumesponde ang mga opisyal ng barangay sa sumbong. Pero hindi paman sila nakakalapit sa ginang, walang kaabog-abog nitong inihagis ang batang edad 1 year at 3 months. Nabukulan sa noo ang bata pero kaagad naman nalapatan ng first aid ng barangay officials.
Pansamantalang ibinigay ang bata sa Municipal Social Welfare and Development Office.
Walang kibo naman ang ginang pero nakitaan ito ng mga pasa sa tiyan at may psychological symptoms.
Sa initial assessment ng ahensiya, posibleng nakararanas ng battered woman syndrome ang 28-anyos na ginang.
Kinontak na rin ang mga kaanak ng mag-ina. Sa panayam sa kapatid ng ginang, 2013 pa nang ma-diagnose ang kapatid niya na may psychological disorder at halos nasa 3 linggo na ngayon na hindi ito nakakainom ng kaniyang mga gamot.
Nasalisihan umano siya ng kapatid habang nasa labas at naglalako ng paninda sa barrio.
Ibinalik muna ang mag-ina sa kustodiya ng kapatid pero mahigpit nilang imo-monitor ito. Sasamahan din nila ang ginang sa pagpapa-check-up nito sa Tarlac Provincial Hospital at aabutan din ng tulong pinansyal para maituloy nito ang pag-inom sa kanyang mga gamot.
The post Bata ibinitin sa kawayan ng ina appeared first on Police Files! Tonite.
Source: Police Files Tonite
Walang komento: