ISANG buntis na hinuli sa pagsusugal ang nanganak sa patrol car sa Bayawak Purok 2, President Quirino, Sultan Kudarat.
Ayon kay Police Executive Master Sargeant Edgat Galande Mespo ng President Quirino Municipal Police Station, habang nasa kustodiya ng mga otoridad ang buntis ay nagpaalam ito na pupunta sa banyo at bigla nalang sumakit ang kanyang tiyan.
Inamin ng buntis na ngayong Abril ang kanyang kabuwanan at maaaring anumang oras ay manganganak siya.
Mabilis namang isinakay ng mga pulis ang buntis sa patrol car upang dalhin sa pinakamalapit na ospital. Ngunit habang nasa biyahe ay lumabas na ang baby nito.
Isang malusog na baby girl ang kanyang anak at nagpapalakas na sa ospital.
Samantala, sinabi ng pulisya na hindi pa ligtas ang misis sa kasong kinakaharap nito, iligal na sugal.
The post Buntis huli sa sugalan, nanganak sa patrol car appeared first on Police Files! Tonite.
Source: Police Files Tonite
Walang komento: