P1.36m shabu, nasabat sa mag-asawa sa Maguindanao

Nasa 200 gramo ng shabu na may halagang P1.36 million ang nasabat sa buy-bust operation sa Datu Piang, Maguindanao nitong Biyernes.
Arestado ang mag-asawa na target sa naturang operasyon ng PDEA, militar at pulisya.
Bukod sa shabu, nakumpiska rin ang isang kotse, isang caliber .40 pistol, isang magazine assembly na may 12 na bala, mga identification card, at ilang dokumento.
Ayon kay PDEA-BARMM regional director Juvenal Azurin, tumakbo noong nakaraang eleksyon ang lalaking suspek pero natalo.
Inihahanda na ang kasong paglabag ng Comprehensive Dangerous Drugs Act at Comprehensive Firearms and Ammunition Regulation Act laban sa mga naaresto.

The post P1.36m shabu, nasabat sa mag-asawa sa Maguindanao appeared first on Police Files! Tonite.

Source: Police Files Tonite