PATAY ang isang call center recruiter nang barilin ng ka-live-in nitong pulis, na nagbaril din sa sarili sa loob ng sasak-yan sa Malolos City, Bulacan.
Kinilala ang mga biktima na sina Police Cpl. Cliton Paterno, 28, nakatalaga sa Police Community Precint sa Barangay Bangkal; at Maria Isabel Ganelo, 27, residente ng Bgy. Borol 2nd, Balagtas.
Sa report ng Malolos Police, 3:00 ng madaling araw nitong Huwebes nang mangyari ang pamamaril sa loob ng puting Ford Ranger XLT, may conduction sticker C2R903, sa kahabaan ng McArthur hi-way sakop ng Bgy. Caniogan.
Ayon sa ulat, napansin ng ilang Bantay Bayan ang mai-nitang pagtatalo ng dalawa habang nasa loob ng sasakyan kaya agad silang tumawag ng pulis.
Mabilis na rumesponde ang mga pulis sa lugar subali’t nang lapitan ang sasakyan ay sunod-sunod na putok ang umalingawngaw.
Sa isang cellphone video sa Facebook, nakitang papalapit ang mga pulis sa isang nakaparadang pick-up at ilang su-nod na putok ang umalingaw-ngaw sa lugar.
Nang humupa ang mga putok, bumulaga sa mga pulis ang duguang mga biktima, na mabilis isinugod sa Sacred Heart Hospital.
Dead on arrival sa ospital ang babae, habang inilipat ang su-gatang pulis sa JBL hospital sa San Fernando, Pampanga na kalaunan binawian din ng buhay.
Sa report, may dalawang tama ng baril sa ulo ang babae, at isang tama sa sentido sa pulis.
Nakita sa loob ng pick up ang isang 9mm Glock 1 Colt US Magnum 22 revolver at mga basyo. (Thony Arcenal)
The post Ka-live-in pinasabog ang ulo; parak nagbaril sa sentido appeared first on Police Files! Tonite.
Source: Police Files Tonite
Walang komento: