Mag-asawa todas sa salpukan ng truck at motorsiklo

Binawian ng buhay ang mag-asawang sakay ng motorsiklo nang mabangga ng rumaragasang truck sa Brgy. San Ignacio, Batangas.
Kinilala ang mga biktima na sina Daryl Gervacio, 26; at Analyn Gervacio, 25, kapwa residente ng No.158 Grenas St., Brgy. Poblacion B ng nabanggit na bayan; at ang driver naman ng reuck kinilala na si Ferdinand Almadrones, 55, residente ng Purok Dalungyan, Isabang sa Lucena City, Quezon.
Sa report, lulan ang mag-asawa ng Racal na motorsiklo na walang plaka nang salpukin ng Isuzu truck na meron plakang UUL 992.
Ayon sa ulat, galing ng east direction patungo ng Rosario ang mag-asawa habang galing naman ng Rosario Town Proper ang truck patungo sa bayan ng Ibaan ng mag overtake ang truck at aksidenteng nabangga ang kasalubong na motorsiklo.
Pansamantalang nakakulong sa Rosario custodial facility si Almadrones at mahaharap sa mga kasong Reckless Imprudence Resulting to Damage to Property at Multiple Homecide.(Jose Koi Laura)

The post Mag-asawa todas sa salpukan ng truck at motorsiklo appeared first on Police Files! Tonite.

Source: Police Files Tonite