INANUNSYO ni Senate Committee on Health and Demography chairman, Senator Christopher “Bong” Go ang inaasahang pagdating sa bansa ng marami pang doses ng COVID-19 vaccines ngayong buwan na titiyak upang marami pang Filipino ang mabakunahan, partikular ang frontliners at vulnerable sectors.
Ayon kay Go, inaasahan ang pagdating ng 1.5 million doses ng Sinovac vaccines at 2 million doses ng AstraZeneca vaccines ngayong Sabado.
“Bukas ay inaasahan nating darating na ang 1.5 million doses ng Sinovac. Pinaghahandaan na rin ang posibleng pagdating ng dalawang milyong doses ng bakunang AstraZeneca mula sa COVAX facility ngayong darating na Sabado ng hapon,” ani Go.
Sinabi ni Go na ito ay welcome development lalo’t isineselebra ng bansa ang Health Workers’ Day bilang pagkilala sa mahalagang papel ng modern day heroes at sa kanilang kontribusyon sa global health crisis.
“Gusto ko pong pasalamatan ang ating mga healthcare workers at mga volunteers sa serbisyo ninyo sa bayan sa panahon ng COVID-19. Walang katumbas ang sakripisyo ninyo para malampasan natin ang pandemyang ito. The entire nation owes you a debt of gratitude that cannot be repaid,” anang senador.
Tiniyak ni Go na sa delivery ng karagdagang doses ng AstraZeneca vaccines ay mabibigyan na ng second dose, partikular ang medical frontliners na nangangailangan ng full protection ng nasabing bakuna.
“Malaking tulong lalo na ang AstraZeneca dahil marami sa ating mga medical frontliners, senior citizens at ‘yung merong comorbidities ang nabigyan na po ng first dose nito at naghihintay na lang maturukan ng kanilang second dose,” ani Go.
“Tuloy-tuloy ang roll-out ng ating COVID-19 vaccination program ayon sa ating priority list.”
“Pakiusap ko lang po, sumunod tayo sa priority list. Walang magpapa-importante, walang magpapa-VIP, dahil lahat naman tayo ay nangangailangan mabakunahan,” ayon sa senador.
Sinabi niya na kung madadagdagan ang daily vaccination rate mula sa kasalukuyang 133,000 daily rate, mas maraming mga Pilipino ang mababakunahan at mas mabilis nating maa-attain ang herd immunity sa community. (PFT Team)
The post Milyon pang doses ng Sinovac, AstraZeneca, parating — Bong Go appeared first on Police Files! Tonite.
Source: Police Files Tonite
Walang komento: