SA panahon ng ECQ (enhanced community quarantine), dumadami ang nagsusuot ng uniporme. May reservist na hindi on duty at may sibilyan na sundalo kunwari.
Dahil dito hinihigpitan na sa checkpoint ang pag- counter check sa katauhan at disposition ng mga nag-uniporme.
Kinilala ni Police Colonel Lawrence Cajipe, ang Provincial Director ng Bulacan PNP, ang inaresto na si Romeo Jervoso Jr., 48-anyos.
Sa report, nagsuot si Jervoso ng uniporme ng opisyal ng Navy, nagsukbit ng armas, at nagsisiga-sigaan sa mga tao sa Barangay San Jose, Baliwag, Bulacan.
Nang inusisa ang mga ID nito, isang reservist lang pala si Jervoso at tinanggal na ito ng NAVRESCOM noon pang 2018 pa.
Nakumpiska kay Jervoso ang isang caliber .45 M1911 FS GI Armscor pistol na may serial number 1427011 at bala.
Kinasuhan si Jervoso ng Usurpation of Authority at Illegal Possession of Firearms.
The post Sigang “sundalo” pinosasan ng pulis appeared first on Police Files! Tonite.
Source: Police Files Tonite
Walang komento: