UMABOT sa 6,637 na karagdagang kaso pa ng COVID-19 ang naitala ng Department of Health nitong Huwebes, Hunyo 17.
Bunsod nito, umakyat na sa kabuuang 1,339,457 ang tinatamaan ng nakamamatay na sakit sa bansa.
Mayroon namang naitalang 4,585 na gumaling kung saan nasa kabuuang 1,257,774 na ang total recoveries.
Karagdagang 155 naman ang naitalang bagong pumanaw sanhi para maging 23,276 na ang namatay sa naturang sakit.
Habang ang aktibong kaso ay nasa 58,407.
Ayon sa pinakahuling ulat, lahat ng mga laboratoryo ay operational noong June 15, 2021 habang mayroong 5 laboratoryo na hindi nakapagsumite ng datos sa COVID-19 Document Repository System (CDRS).
Base sa datos sa nakaraang 14 na araw, ang kontribusyon ng 5 labs na ito ay humigit kumulang 0.66% sa lahat ng samples na naitest at 1.14% sa lahat ng positibong mga indibidwal. (Andi Garcia/Jocelyn Domenden)
The post Covid update: 6,637 bagong kaso; 4,585 gumaling; 155 nasawi appeared first on Police Files! Tonite.
Source: Police Files Tonite
Walang komento: