IBANG klase pala itong si alyas “Renel” dahil masyadong malakas na raw ang gambling lord na ito.
Naagaw na ni alyas Renel ang jueteng operation ni alyas John Yap sa Rizal.
Pokaragat na ‘yan!
Kaya, si Renel na ang ‘hari’ ng jueteng ngayon sa Rizal na kung saan tatlong beses ang bolahan bawat araw upang palaring manalo ang mga mananaya.
Masaya naman ang mga kubrador dahil kahit tatlong beses silang kumukuha ng mga taya araw – araw ay napakalaking bagay sa kanila ito dahil mayroon silang kinikita, lalo pa’t hindi pa matapus – tapos ang pag-atake ng coronavirus disease – 2019 (COVID – 19).
Sa lawak ng Rizal, pihadong tiba – tiba nang todo si alyas Renel sa dami ng butas niya.
Huwag ninyong kalilimutan na ang punong lalawigan ng Rizal ay si Gobernador Rebecca “Nini” Ynares.
Maliban sa Rizal, nakapasok na rin ang jueteng ni alyas Rennel sa Lungsod ng Caloocan nananatiling alkalde si Mayor Oscar “Oca” Malapitan hanggang Hunyo 30,2022.
Namamayagpag na ngayon si Renel sa Caloocan.
Pokaragat na ‘yan!
Alam n’yo bang nakapasok sa Caloocan City alyas Renel dahil kay alyas “Reyna” na higit na kilala sa alyas na “Tita”?
Si Reyna, o Tita, ay tumanda na sa iligal na sugal.
Nakabase umano ang babaeng ito sa Laguna.
Pero, kilala rin siya sa ibang lalawigan sa Calabarzon.
Si Reyna umano ang pinansiyer ni Renel.
Bago mapasok ni alyas Renel ang Rizal at Caloocan, sa mga lungsod sa National Capital Region (NCR) na pasok sa Southern Police District (SPD) namamayagpag ang iligal na sugal ng nasabing gambling lord.
The post Gambling lord ‘Renel’, namamayagpag sa Rizal appeared first on Police Files! Tonite.
Source: Police Files Tonite
Walang komento: