PABOR si Senador Christopher “Bong” Go sa pahayag ng Malacañang na pulitika ang ugat ng paggigiit ng International Criminal Court na may mga kaso ng crime against humanity sa bansa.
Sinabi ni Go na “timing” ang ginagawa ng ICC habang papalapit ang kampanya para sa 2022 presidential elections sa Pilipinas
Ayon kay Go, nahahaluan ng pulitika ang lahat dahil ngayon agresibo ang ICC sa kanilang ginagawa.
“Timing ang nangyayari. Nandito tayo papunta na tayo sa political season kaya tingnan nyo, ngayon sila nag-iimbestiga. Hinahaluan po ng pulitika, gaya ng laging sinasabi ni Pangulong Duterte, basta gawin lang niya ang tama para sa taumbayan, ‘di siya titigil na labanan ang iligal na droga dito sa ating bansa sigurado akong kasama na ang pulitika dyan,” punto ni Go.
Sa kabila nito, binigyang-diin ni Go na naninindigan si Pangulong Duterte na gawin lang ang tama para sa bayan kabilang dyan ang paglaban sa illegal drugs sa bansa.
Nanawagan din si Go sa mga kritiko ng administrasyon na sana ay hindi haluan ng pulitika partikular sa pagharap ng bansa sa COVID-19 pandemic.
Kaugnay nito, ipinauubaya ni Go sa taumbayan ang paghuhusga sa nalalapit na halalan.
“Pwede namang noon pero ngayon lang pinapalabas pero sa akin, hayaan na po natin ang Pilipino ang humusga pagdating ng panahon kung sa tingin niyo, mga kababayan ko, may nagbago sa buhay niyo, iboto niyo po ang mga kandidato ni Pangulong Duterte para ipagpatuloy ang kanyang kampanya sa iligal na droga,” banggit ni Go.
“Kung ‘di naman kayo masaya sa kanyang kampanya, eh di wag niyong iboto. So, may panahon po ng pulitika, di po ito ang panahon ng pamumulitika, panahon po ng krisis ngayon. Unahin natin ang krisis, ‘wag niyo pong haluan ng pamumulitika ang ating laban sa COVID-19 hinahaluan niyo po ng pulitika dito sa ICC,” dagdag ng senador. (Mylene Alfonso)
The post Paggigiit ng ICC sa war on drugs ng bansa, ‘politically motivated’ — Sen. Go appeared first on Police Files! Tonite.
Source: Police Files Tonite
Walang komento: