LAOAG CITY – Nakunan ng video ang pagtatanim ng ebidensya sa subject ng buy bust operation ng mga pulis sa Barangay Root, Dingras.
Kinilala ang subject ng operasyon na si Elpidio “Jeff” delos Reyes, isang magsasaka at residente ng naturang barangay.
Iginiit ni Delos Reyes na umupo siya sa gilid ng kalsada at nang pauwi na ay may tumigil na kotse, tinanong ang kanyang pangalan at dito na hinawakan ng mga pulis.
Kontra naman ito sa pahayag ng mga pulis na lumaban daw si Delos Reyes.
Lumalabas na nagbenta ng isang cal. .38 revolver si Delos Reyes sa mga pulis sa halagang P3,000.
Sinabi ng mga pulis na nang huhulihin nila ang subject, may inihagis itong apat na sachet ng shabu.
Ayon sa pamilya Delos Reyes, mula nang sumuko ito sa mga otoridad noong 2016, hindi na niya binalikan ang iligal na aktibidad.
Inihayag nila na kitang-kita sa video na mayroon isinuksok ang isang lalaki sa short ni Delos Reyes.
Maliban dito, kinuwestiyun rin ng pamilya ang pahayag ng mga pulis na nagbenta ng baril si Delos Reyes dahil garterized ang short nito at wala namang ibang dalang gamit.
Samantala, sinabi ni Police Captain Joseph Calderon, hepe ng PNP-Dingras, na itinuturing na high value individual si Delos Reyes.
Aniya, ahil pahirapan ang pagsasagawa ng drug buy bust operasyon kay Delos Reyes ay gun buy bust ang kanilang ginawa dahil base sa validation nila ay nagbebenta rin ito ng baril.
The post Pagtanim ng ebidensiya sa buy bust na-video appeared first on Police Files! Tonite.
Source: Police Files Tonite
Walang komento: