Ni GERRY OCAMPO
KUNG kinasuhan ni Aiko Melendez ang driver ng truck na bumangga sa kanyang bagong model na kotse ay siguradong kabilang na ito sa mga walang trabaho ngayon sa gitna ng pandemic.
Sa halip na magalit at magtaray ay awa ang nadama ni Aiko sa naturang drvier na nakatulog daw kaya nabangga ang kanyang kotse.
Pinatawad at binigyan pa ng pera ni Aiko ang driver na bumangga nitong nakaraang dalawang linggo.
Ayon kay Aiko papunta sila ng kanyang anak na si Marthena sa Subic at habang nagmamaneho sa kahabaan ng Quezon City ay bigla na lang may bumangga sa kanya na truck.
Bagong bili ang kotse ni Aiko na more than 5 million daw ang halaga.
Tila nakatulog daw ang truck driver habang nagmamaneho kaya nabangga ang kanyang kotse. Wasak ang kaliwang bahagi ng kotse at nasira rin ang gulong ng sasakyan.
Alam ni Aiko nagsusumikap lang ang truck driver para magkapera sa pamilya kaya hindi nagawang talakan ng actress.
Pagkatapos ayusin ng traffic aide ang aksidente ay binigyan pa ng pera ni Aiko ang truck driver para makakain. Mukha raw kasing hindi pa kumakain ang driver.
Sa awa nga ni Aiko sa driver ay kinausap pa nito ang may-ari ng truck para pakiusapan na huwag tanggalin sa trabaho ang nasabing truck driver.
Aabot din daw sa milyong piso ang pagpapagawa ng nabanggang kotse ni Aiko at tatagal pa ito ng tatlong buwan bago maayos.
Ipinagpasalamat ni Aiko na walang nangyaring hindi maganda sa kanila ng anak na si Marthena.
Sa mga hindi nakakaalam, isa lang yun sa mga magagandang ginagawa ni Aiko sa mga kababayan nating kapuspalad. Kaya naman hindi nakapagtataka na sangkatutak ang nanghihikayat sa kanya ngayon na bumalik sa public service.
Kung walang magiging aberya ay tila papasukin na nga ni Aiko ang politics para tumakbo sa kongreso, sa 5th district ng Quezon City.
Samantala, may binuksan na shopstore website si Aiko na tinawag na Ping Me Up na makabibili ng mga item sa murang halaga.
***
WALANG planong pasukin muli ni Richard Yap ang politics dahil sa sunud-sunod niyang project sa GMA 7.
Matatandaang tumakbong congressman si Mr Yap sa 1st district ng Cebu City noong 2019. Dahil hindi siya pinalad kaya pahinga raw muna siya sa kanyang political ambition.
“To enter politics is to help people. Hindi lang sa Cebu, but also here in Manila. It really depends on what will happen next. For now, wala pa muna because marami tayong ginagawa ngayon. Aside sa mga project natin with GMA, may mga negosyo pa tayo na inaasikaso. But who knows baka in the future something may happen with regards to politics.”
Ilan sa mga aristang hinahangaan ni Richard na pumasok sa politics ay sina Vilma Santos-Recto at Richard Gomez. Pinatunayan daw kasi ng dalawa na mahusay silang leader at may magandang record as public servants.
Next month na magsisimula ang lock-in taping nila ni Heart Evangelista para sa seryeng I Left My Heart In Sorsogon.
Habang wala pang taping ay sinusulit ni Richard ang bawat panahon kasama ang pamilya at magkakasamang nag-celebrate ng Father`s Day.
The post Sa halip na kasuhan… Aiko binigyan pa ng pera ang truck driver na bumangga sa kotse appeared first on Police Files! Tonite.
Source: Police Files Tonite
Walang komento: