KORONADAL CITY — Isang sanggol na nakasilid sa bag ang isinabit sa gate ng isang bahay sa Purok Aquino, Bario 2, Norala, South Cotabato.
Ayon kay Mary Kris Aquino Dela Cruz, tauhan ng kanyang tiyuhin ang unang nakakita sa batang umiiyak 5:30 ng umaga nitong Martes.
Naka-silid umano ito sa isang pack-bag na isinabit sa gate ng bahay ng kanyang tiyuhin na si Salvador Aquino.
Sinabi ni dela Cruz na panay ang iyak ng sanggol na isang lalaki at tumahan lamang ito nang makarga ng kanyang tiyahin.
Pinaniniwalaang ilang araw nang ipinanganak ang sanggol dahil malapit nang matanggal ang pusod nito.
Dagdag pa ni dela Cruz, agad nilang ipina-alam sa mga opisyal ng kanilang barangay ang sitwasyon ng sanggol at agad na dinala sa ospital.
Sa ngayon, nasa ligtas na itong kalagayan at nasa kostudiya na ng Department of Social Welfare and Development o DSWD-12.
The post Sanggol isinabit sa gate appeared first on Police Files! Tonite.
Source: Police Files Tonite
Walang komento: