NASAWI ang tatlong drug couirers at P1.7 million halaga ng shabu ang nasamsam sa isinagawang buy bust operation sa Oas, Albay.
Kinilala ang mga nasawi na sina Ramon Mutoc alias Omar, miembro ng Bahala Na Gang; at Jose Maria Arvin Bautista y Samson, kapwa ng 1435 St. Louis Compound 5, Malinta, Valenzuela City; habang inaalam pa ang pagkaka-kilanlan ng isa pa sa mga suspek.
Ayon kay Brigadier General Jonnel Estomo, Regional Director ng PRO5, 12:45 ng tanghali nang magsagawa ng buy bust operation ang pinagsanib na mga elemento ng OAS Police Station, 1st at 2nd Albay Provincial Mobile Force Company, 502nd Regional Mobile Force Battalion, Pnilippine Drug Enforcement Agency at Polangui Police Station sa Purok 4, Barangay Busac, Oas.
Dinala pa ang mga sugatang suspek sa Josefina Belmonte Duran Albay Provincial Hospital ngunit hindi na umabot ng buhay.
Nakakuha ang nga ope-ratiba ng 2 heated sealed transparent plastic sachet ng shabu, 4 bundles ng heat sealed transparent plastic sachet ng shabu na may timbang na 350 grams na nagkakahalaga ng P1.750 million, buy bust money, 1 caliber .45 pistol, 2 cal. 38 revolver, mga basyo ng bala, 1 light gray Suzuki Ertiga na may conduction sticker G1Z805.
Sinabi ni Estomo na courier at distributor ng mga iligal droga ang mga napatay ng isang sindikato mula sa Valenzuela City na nag-o-operate sa lalawigan ng Albay.(Mark Obleada)
The post 3 DRUG COURIERS TODAS, P1.7M SHABU NASAMSAM appeared first on Police Files! Tonite.
Source: Police Files Tonite
Walang komento: