Ni ROMMEL GONZALES
NAKITANG magkakasama nitong July 20 ang Kapuso actresses na sina Sanya Lopez, Gabbi Garcia, Bianca Umali at Miss Universe 2020 Rabiya Mateo sa isang private dinner.
Makikitang masayang nagkukuwentuhan sina Sanya, Gabbi at Bianca habang kumakain at nagpakuha rin ng litarato ang mga ito kasama si Rabiya.
Nakasuot ng gray na dress si Sanya, all black naman si Gabbi at naka-immaculate white si Bianca, habang naka-green gown naman si Rabiya.
Nagpakuha rin ng photos sina Sanya at Rabiya habang hawak-hawak ang bewang ng isa’t isa.
Naging usap-usapan noong Hunyo ang posibleng pagsali ni Sanya sa Miss Universe na si Miss Universe 2015 Pia Wurtzbach na mismo ang nag-alok sa kanya para sanayin sakaling gustuhin nitong sumali sa nasabing beauty pageant.
Nagsimula ito nang mag-trending sa social media ang bikini scene ni Sanya sa First Yaya na marami ang humanga sa “jaw-dropping beach body” ng aktres. Dahil sa angking ganda at kaseksihan, hinikayat siya ng kanyang mga tagahanga na sumali sa Miss Universe.
May dapat kaya tayong abangan sa pagkikitang ito nina Sanya at Rabiya? Hindi kaya maging mentor din ni Sanya si Rabiya para sa nasabing patimpalak kagandahan?
Samantala, mapapanood si Bianca sa GMA upcoming series na Legal Wives bilang si Farrah, ang pangatlo at pinakabatang asawa ni Ismael na gagampanan ni Kapuso Drama King Dennis Trillo.
***
BIGATIN ang cast ng upcoming GMA Telebabad serye na “Lolong” na pagbibidahan ng Kapuso actor na si Ruru Madrid. Bukod kina Shaira Diaz at Arra San Agustin na nauna nang ipinakilala bilang leading ladies ni Ruru, kasama rin sa adventure series ng GMA Public Affairs ang mga beteranong aktor na sina Christopher de Leon, Jean Garcia, Bembol Roco, at Malou de Guzman. Mapapanood din dito sina Rochelle Pangilinan at Ian de Leon kasama pa sina Mikoy Morales, Paul Salas, DJ Durano, Marco Alcaraz, at Maui Taylor. May special na pagganap naman sina Leandro Baldemor at Priscilla Almeda.
Overwhelmed nga raw si Ruru sa titular role na ipinagkatiwala sa kanya ng Kapuso Network. “I feel so blessed na pinagkatiwala sa akin ang proyektong ito. Ang maipapangako ko lamang po sa inyong lahat ay talagang ibubuhos ko po ang lahat dito.”
Malaking break din na makatrabaho ni Ruru ang mga tinitingala niya sa industriya. “Sobrang nakakataba po ng puso. It’s an honor na makatrabaho silang lahat. I just can’t wait na magawa itong proyektong ito at maipanood sa atin pong mga Kapuso,” say pa ni Ruru.
The post Bukod kay Pia… Rabiya mentor din ni Sanya sakaling sumali na sa beauty pageant appeared first on Police Files! Tonite.
Source: Police Files Tonite
Walang komento: