PATAY ang isang lalaki nang barilin ng caretaker ng isang resort nang malasing at mag-amok sa Barangay Natividad, Pilar, Capiz, Lunes ng gabi.
Ayon sa ulat, nagtungo sa resort si Eliseo Jenosas, 29 anyos, at mga kaibigan nito at nag-inuman. Nang malasing, nagwala si Jenosas at naghanap ng away sa lugar.
Pinuntahan ng caretaker ng resort si Jenosas para pigilan ito sa pagwawala. Pero maging siya ay sinuntok ng biktima.
Dahil sa galit, kumuha ng baril ang caretaker ng resort at binaril ang biktima. Tinamaan ito sa kanang balikat na tumagos sa kanyang kili-kili. Dinala sa ospital ang biktima pero dead on arrival ito.
Kaagad na nahuli ang caretaker sa hot pursuit operation ng awtoridad, pero hindi na narekober ang ginamit na baril.
The post Lasing naghanap ng away, binaril-patay appeared first on Police Files! Tonite.
Source: Police Files Tonite
Walang komento: