Mag-anak patay sa banggaan ng motor at SUV

NASAWI ang mag-asawa at ang kanilang 3 taon gulang na anak nang bumangga ang sinasakyang motorsiklo sa isang SUV sa Abucay, Bataan, Sabado ng gabi.

Sa ulat, patawid ng highway sa Barangay Calaylayan ang motorsiklo, habang pa-northbound ang direksiyon ng SUV nang magkabanggaan.

Sa lakas ng bangaan, tumilapon ang mag-anak mula sa motorsiklo. Dead on the spot ang mga magulang, habang sinubukan pang i-revive ng mga rumespondeng medic ang bata pero hindi na ito umabot ng buhay sa ospital.

Nabatid na walang suot na helmet ang mag-anak.

Nasa kustodiya na ng pulisya ang babaeng driver ng SUV.

The post Mag-anak patay sa banggaan ng motor at SUV appeared first on Police Files! Tonite.

Source: Police Files Tonite