BINAWIAN ng buhay ang mag-asawa habang nakaligtas ang kanilang limang taon gulang na anak sa pamamaril sa Carmen, Cotabato.
Kinilala ang mga biktima na sina Kuradtong Ambag alyas Turno at ang kanyang asawa na si Baimona, mga residente ng Barangay Kadis, Carmen.
Ayon kay Cotabato Police Provincial Director, Colonel Henry Villar, sakay ang mga biktima sa isang motorsiklo papunta ng Barangay Pedtad Kabacan. Pagsapit sa Barangay Tacupan sa bayan ng Carmen, bigla itong dinikitan ng riding in tandem at pinagbabaril gamit ang kalibre.45 na pistola.
Mabilis na tumakas ang mga salarin patungo sa liblib na lugar sa Carmen.
Patay kaagad ang mag-asawa nang magtamo ng maraming tama ng bala sa kanilang katawan habang himalang nakaligtas ang kanilang anak.
Alitan sa pamilya o rido ang tinitingnang motibo sa pamamaril sa mag-asawa.
The post Mag-asawa patay, anak nakaligtas sa ambush appeared first on Police Files! Tonite.
Source: Police Files Tonite
Walang komento: