ARESTADO ang mag-live-in partner na kapwa kasapi ng rebeldeng grupong New People’s Army (NPA) sa bayan ng Batuan, Masbate.
Kinilala ang mga inaresto na sina Veverly Garganta Cantonjos, 61 anyos, itinuturing na No. 10 most wanted person ng Batuan Police; at Edgar Cabug Cantronjos, 50.
Sa report, inaresto ang mag-asawa ng pinagsanib na puwersa ng Batuan Police at iba pang operatiba ng PNP at Phil Army.
Ayon sa ulat, ang mag-asawa ay mga miyembro ng Sangay Partido sa Lokalidad sa ilalim ng pamumuno ni Eliseo Cabarles alias Kiko ng Platun 2, Larangan 1, Komite Probinsyal 4 ng Bicol Reg’l Party Committee (BRPC). Inaresto sila sa Sitio Lubag, Bgy. Costarica ng nasabing bayan sa bisa ng warrant of arrest na ibinaba ng RTC Br 50-San Jacinto, Masbate sa kasong multiple attempted murder.
Ayon sa ulat, sangkot sina Cantonjos sa pananambang at pagpapasabog ng IED noong Hunyo 2, 2019 sa Sitio Kawayan, Bgy. Caelas, San Fernando, Masbate na nagdulot ng pinsala sa mga sundalo ng Bravo Coy ng 2IB, Phil Army.
The post Mag-live-in na NPA huli sa Masbate appeared first on Police Files! Tonite.
Source: Police Files Tonite
Walang komento: