Malaking sunog sa Butuan City, lumamon ng paaralan at hotel

BUTUAN CITY – Nilamon ng malaking sunog ang anim na palapag ng Prince Hotel sa may Montilla Boluevard, Butuan City nitong Martes.

Unang nilamon ng apoy ang Chinese school na Timber City Academy, 9:00 ng gabi.

Bahagyang humina ang apoy ngunit pagkalipas lang ng ilang minuto tumawid ito sa kalapit nitong Prince Hotel na katabi naman ng pribadong Manuel J Santos Hospital na kaagad naman nailikas ang mga pasyente.

Ito ang pangalawang sunog nitong Martes nang unang lamunin ng apoy 12:30 ng tanghali ang pitong kabahayan sa Purok 3, Barangay Ampayon sa lungsod.

The post Malaking sunog sa Butuan City, lumamon ng paaralan at hotel appeared first on Police Files! Tonite.

Source: Police Files Tonite