ARESTADO ang apat katao sa isang sex den at 10 kababaihan ang nasagip kungsaan anim dito mga menor de edad sa Olongapo City.
Kinilala ni National Bureau of Investigation (NBI) Officer-in-Charge Director Eric B. Distor ang apat na nadakip noong Agosto 4 na sina Jackylou Lastimado, Ramil Enterno, Monica Labandelo, at Jesthony Telan.
Sinabi ng NBI na nasa ilalim na ng kustodiya ng Social Welfare and Development Office ng lalawigan ang mga nasagip na menor de edad.
Ayon pa sa NBI, ang pagtukoy sa krimen ay bunsod ng impormasyong binigay ng grupong Destiny Rescue Philippines na nakaantabay sa mga nagaganap na human trafficking sa Olongapo City at sa mga kalapit nitong lalawigan.
Adbokasiya ng Destiny Rescue Philippines na wakasan ang pang-aabusong sekswal at pang-aalipin sa mga bata, kabilang na ang pagkakakulong ng mga ito sa prostitusyon. (Jocelyn Domenden)
The post 4 utak sa Olongapo sex den timbog; 6 menor nasagip appeared first on Police Files! Tonite.
Source: Police Files Tonite
Walang komento: