ARESTADO ang isang lalaking nagpanggap na agent ng National Bureau of Investigation (NBI) para makapangikil sa Quezon City .
Nagkasa ng entrapment operation sa Quezon City ang NBI Special Action Unit laban sa suspek na si Charleston Cañales nang ireklamo ng biktimang si alyas “Jericho.”
Nabiktima ng scam si “Jericho” kaya nagreklamo sa NBI at nakilala si Cañales, na nagkunwaring isang NBI agent.
Matapos umanong marinig ang reklamo ni “Jericho”, humingi si Canales ng P200,000 bilang “mobilization fee” para maimbestigahan at i-entrap ang nanloko sa una.
Nabuking ang modus ni Cañales nang dumiretso sa tanggapan ng NBI ang biktima.
Kulong si Cañales sa kasong usurpation of authority, robbery extortion, at paglabag sa Anti-Red Tape Law.
The post Pekeng NBI agent timbog appeared first on Police Files! Tonite.
Source: Police Files Tonite
Walang komento: