NADAKIP ng mga elemento ng Criminal Investivation and Detection Group ang lider ng land grabers at 2 iba sa isinagawang operasyon sa Rodriquez, Rizal
Kinilala ang mga nadakip na sina Rodelio Caballes, Gideon Mark Exito, at Ruben Palioc.
Ayon kay Major General Albert Ignatius Ferro, CIDG Director, 8:30 ng umaga nang magsagawa ng operasyon ang pinagsanib na mga elemento ng CIDG Anti-Organized Crimes Unit (AOCU), PNP SAF, PIU-Rizal PPO, Rizal Provincial Mobile Force Company, at Rodriguez Police Station sa Sitio Bulak, Brgy San Isidro, Rodriguez.
Isinagawa ang operasyon base sa search warrant mula sa sala ni Judge Josephine Zarate Fernandez ng RTC San Mateo, Rizal laban kay Caballes.
Nakuha ng mga otoridad sa mga inaresto ang 3 caliber .45 pistola; 1 caliber.30 US Carbine; 1 caliber .38 revolver; 3 granada at mga bala ng naturang mga baril.
Nabatid na si Caballes ang lider ng Caballes Armed Group na sangkot sa land grabbing at extortion na nag-o-operate sa Rodriguez at Montalban .
Ang nasabing grupo rin ay “sub group ng Rodriguez Land Grabbing Group” na nag-o-operate sa Region 4A at 4B.
Nakikipag-ugnayan ang CIDG sa PNP FEO at Crime Laboratory upang alamin kung ang mga narekober na mga baril ay nakarehistro o nagamit sa mga krimen. (Mark Obleada)
The post Lider ng land grabbers, 2 iba huli sa Rizal appeared first on Police Files! Tonite.
Source: Police Files Tonite
Walang komento: