MAUGONG na mensahe ang ipinarating ng Jumbo Plastic-Basilan sa Visayas champion KCS Mandaue matapos ipadama ang lakas at katatagan ng pundasyon nila sa makasaysayang dominasyon sa Mindanao leg sa Game One ng 2021 Chooks-to-Go Pilipinas VisMin Super Cup best-of-five Southern Finals kamakalawa ng gabi sa Pagadian City Gymnasium sa Zamboanga del Sur.
Ratsada ang Peace Riders sa double digit na bentahe sa kabuuan ng laban tungo sa impresibong 94-67 panalo laban sa Computer Specialists at hilahin ang winning run sa 11-0 sa kauna-unahang professional basketball league sa South.
“Noong first half, we couldn’t pull away kasi on some plays disorganized kami sa executions. Sinabihan ko lang sila na just follow the pattern sa executions at mas tigasan pa ang depensa,” pahayag ni Basilan head coach Jerson Cabiltes.
Mula sa 44-31 halftime lead, nahila ng Basilan ang bentahe sa 26 puntos mula sa 16-3 scoring run, tampok ang jumper ni Michael Mabulac para sa 60-35 count may 6:15 ang nalalabi sa third period.
Hindi na nagawang makaporma ng Mandaue at sa dalawang free throw ni Jong Baloria ay naitayo ang pinakamamalaking bentahe na 36 puntos, 86-50, tungo sa huling anim na minute ng laro.
Ratsada si Mindanao Leg Finals MVP Chris Bitoon sa Basilan sa naiskor na 19 puntos, tatlong assists, at dalawang steals, habang kumana si Baloria ng 13 puntos, pitong rebounds, at tatlong assists, habang tumipa si Michael Mabulac ng 11 puntos at anim na rebounds.
Nanguna si Steve Castro sa KCS na may 18 puntos, habang kumana si Miguel Gastador ng 11 puntos.
Target ng Mandaue na makabawi sa Basilan sa pagratsada ng Game 2 Huwebes ng alas-6 ng gabi.
Iskor:
Basilan (94) – Bitoon 19, Baloria 13, Mabulac 11, Balucanag 10, Manalang 10, Juico 10, Bringas 6, Hallare 6, Gabo 5, Collado 2, Taganas 2, Uyloan 0,
Mandaue (67) – Castro 18, Gastador 11, Soliva 6, Sorela 6, Cachuela 6, Nalos 5, Bregondo 5, Roncal 3, Bautista 3, Delator 2, Imperial 2,
The post BASILAN SINAKLIT ANG GAME ONE VS MANDAUE appeared first on Police Files! Tonite.
Source: Police Files Tonite
Walang komento: